"Милан" клубининг трансфер бозоридаги фаоллиги мухлисларнинг эътиборидан четда қолмади.
Пайшанба куни "россонери" ўз майдонида Европа лигаси 3-босқич саралашининг жавоб ўйинида Руминиянинг "Университатя" клубини қабул қилади. Milan TV хабарига кўра, ўйинга бўлган қизиқишнинг жуда катталиги сабабли, 6 соат ичида мухлислар томонидан 59 минг чипта харид қилинган.
Бундан ташқари, "Милан" янги мавсум абонементларидан 6 минг донани сотган, ўтган йилги абонементларнинг 15 мингтаси муддатини узайтирган. Натижада, камида 21 минг абонемент мухлисларга тарқатилган.
Таъкидлаш жоизки, ўтган мавсум давомида жамоа жами 16450 та абонемент сотиб, ўз тарихидаги энг паст натижани қайд этган эди.
Эслатиб ўтамиз, "Университатя" клубига қарши дастлабки ўйин "Милан"нинг 1:0 ҳисобидаги ғалабаси билан тугаган эди.
