"Milan" klubining transfer bozoridagi faolligi muxlislarning e’tiboridan chetda qolmadi.
Payshanba kuni "rossoneri" o‘z maydonida Yevropa ligasi 3-bosqich saralashining javob o‘yinida Ruminiyaning "Universitatya" klubini qabul qiladi. Milan TV xabariga ko‘ra, o‘yinga bo‘lgan qiziqishning juda kattaligi sababli, 6 soat ichida muxlislar tomonidan 59 ming chipta xarid qilingan.
Bundan tashqari, "Milan" yangi mavsum abonementlaridan 6 ming donani sotgan, o‘tgan yilgi abonementlarning 15 mingtasi muddatini uzaytirgan. Natijada, kamida 21 ming abonement muxlislarga tarqatilgan.
Ta’kidlash joizki, o‘tgan mavsum davomida jamoa jami 16450 ta abonement sotib, o‘z tarixidagi eng past natijani qayd etgan edi.
Eslatib o‘tamiz, "Universitatya" klubiga qarshi dastlabki o‘yin "Milan"ning 1:0 hisobidagi g‘alabasi bilan tugagan edi.
