Август ойининг 8 санасида, Скопье шаҳрида УЕФА Суперкубоги баҳси ўтказилади.
Анъанавий тарзда ўтказиб келинадиган мазкур ўйинда Европа Лигаси ва Чемпионлар Лигаси ғолиблари баҳс олиб боришади. Ўтган мавсумда бу мусобақаларда "Манчестер Юнайтед" ва "Реал" жамоалари ғолиб бўлишган эди.
Ушбу учрашувни сиз УЗРEПОРТ ТВ ва ФУТБОЛ ТВда жонли эфирда томоша қилиш имконига эга бўласиз.
"Қироллик клуби" учун бу 6-суперкубок бўлади. "Реал" 1998 ва 2000 йилларда финалда мағлуб бўлган. Бироқ 2002, 2014 ва 2016 йилларда эса зафар қучган.
"Қизил иблислар" сўнгги маротаба 1991 йилда мазкур кубокни қўлга киритишган. Ўшанда манкунианликлар "Олд Траффорд"да "Црвена Звезда" жамоасини 1:0 ҳисобида мағлубиятга учратган эди. Лекин 1999 ва 2008 йилларда эса "МЮ" "Лацио" ва "Зенит"га имкониятни бой бериб қўйган.
