Футбол бўйича XXVI Ўзбекистон чемпионати 16-тур учрашувини “Насаф” ўз майдонида “Қўқон-1912” жамоасига қарши ўтказади.

Учрашув 6 август якшанба куни Қарши шаҳридаги “Марказий” стадионда соат 19:30да бошланади.

ЎзПФЛ 16-тур
“Насаф” (Қарши) – “Қўқон-1912” (Қўқон)
06.08.2017. “Марказий” стадион. 19:30да
Бош ҳакам: Владислав Цейтлин (Тошкент)
Ёрдамчи ҳакамлар: Александр Сидоров (Тошкент), Дониёр Сайлалов (Тошкент)
Захира ҳаками: Д.Каримов (Тошкент)
Назоратчи: Дмитрий Роман (Тошкент)
ЎзПФЛ вакили: Роман Черников.

Мазкур жамоаларнинг олий лигадаги ўзаро учрашувлари тарихига назар ташласак, улар бунгача 15 марта тўқнаш келишган. Шундан 11та учрашувда "Насаф" ғалаба қозонган. 4 учрашувда қўқонликларнинг қўли баланд келган. Энг қизиқарлиси жамоалар чемпионатдаги ўзаро учрашувларда ҳанузгача дуранг натижа қайд этишмаган.

Тўплар нисбати бўйича ҳам устунлик "Насаф" томонида 32-19.

Мазкур жамоалар бу йилги чемпионатнинг 1-тур учрашувини 4 март куни Қўқонда ўтказишган. Учрашувда "Насаф" 2:1 ҳисобида ғалаба қозонган.

"Насаф"нинг ўзаро учрашувларда қозонган энг йирик ғалабаси – 4:0. “Қўқон-1912”да бу кўрсаткич 3:0. Тарихда қолган бу учрашувлар 2003 йили бўлиб ўтган, “Насаф” – “Темирйўлчи” 4:0 ўйинида "Насаф"нинг тўпурари Зафар Холмуродов хет-трик қайд этган ва Дилшод Мавланов бир марта гол муаллифи бўлган.

Жамоаларнинг навбатдаги учрашуви 16-ўйин сифатида тарих саҳифасидан жой олади. Бу учрашув, “Насаф”нинг олий лигадаги 604-ўйини ҳисобланади.