"Милан" молиявий облигациялар билан боғлиқ муаммоларни бартараф қилди.
Football Italia хабарига кўра, "россонери" Леонардо Бонуччи ва Лукас Билья трансферлари учун зарур бўлган облигацияларни қўлга киритди. IFIS банки барча кафолатларни тақдим қилгач, "Милан" Бонуччи ва Билья трансферини рўйхатдан ўтказишга рухсат олди.
Эслатиб ўтамиз, молиявий облигациялар билан боғлиқ муаммолар туфайли ҳар иккала футболчининг трансфери рўйхатдан ўтмай қолган, натижада улар Европа лигаси саралаш босқичидан ўрин олган "Университатя Крайова" клубига қарши ўйинларни ўтказиб юборганди.
