Парижда ва дунёнинг бошқа шаҳарларидаги ПСЖ дўконларида Неймар футболкалари сотувга чиқди.
France Blue хабарига кўра, Франция пойтахтидаги савдоларнинг дастлабки 6 соатида 10 мингдан ортиқ футболка сотилган. Уларнинг нархи 100 евро атрофида эканини инобатга оладиган бўлсак, футболкалар савдосидан 1 млн евро тушум қилинган.
Бироқ, ПСЖ клуби футболкалар савдосидан олинган даромаднинг фақат 15 фоизига эгалик қила олади. Қолган қисми техник ҳомий бўлмиш Nike компаниясига тегишли. Натижада, Неймарнинг трансферига сарфланган 222 млн еврони футболкалар савдоси орқали қоплашнинг деярли иложи йўқ.
