Тошкентнинг “Локомотив” жамоаси билан бир йиллик шартнома имзолаган 21 ёшли Бобир Давлатов “Нефтчи” бош мураббийи Вадим Абрамовга ўз миннатдорчилигини билдирди.
"Соғлиғимдаги муаммоларни бартараф этиб футболга аста-секин қайтаётган вақтимда бирор жамоа билан машғулотларда иштирок этиб туришим керак эди. Ўша вақтда менга
“Нефтчи”машғулотларида иштирок этишга рухсат берган Вадим Абрамовга ўз миннатдорчилигимни билдираман. Кейинчалик “Локомотив”дан таклиф бўлди ва Абрамов мени кучлироқ жамоа сафида тўп тепишимга руҳсат берди", – деб айтди Давлатов.
