Бугун футбол ватани Англияда янги мавсумни очиб берувчи Суперкубок ўйини ўтказилади.
Унда мамлакатнинг амалдаги чемпиони ҳисобланган «Челси», Англия кубогида ғолиб чиққан Лондоннинг бошқа бир жамоаси «Арсенал» билан беллашади.
Беллашув Тошкент вақти билан 18:00 да старт олади. Антонио Конте ҳамда Арсен Венгер шогирдлари Лондондаги машҳур «Уэмбли» стадионида баҳс олиб боради.
Лондоннинг бу жамоалари Шарқий Осиё турнеси давомида яқиндагина ўртоқлик ўйини ўтказган бўлиб, унда «Челси» 3:0 ҳисобида муваффақият қозонганди.
Бунгача «ПСЖ» Франция Суперкубогида, «Бавария» эса Германия Суперкубогида зафар қучишнинг уддасидан чиқа олганди.
Англия Суперкубоги
«Уэмбли» стадиони
6 август, якшанба
«Арсенал» — «Челси» — 18:00
