«Арсенал» бош мураббийи Арсен Венгер «Челси»га (1:1, пен: 4:1) қарши Англия суперкубоги баҳсидан сўнг ўз фикрларини айтди.

«Педронинг четлатилиши қанчалик ҳаққоний эканини билмайман, бироқ ўша пайтда биз майдонда устун эдик. Рақиб дарвозаси олдида кўплаб хавфли вазиятларни яратдик.
Мухлисларни хурсанд қилганимиздан мамнунмиз. Ўйин жуда оғир бўлди, аммо ғалаба қозониш учун бор кучимизни ишга солдик.
Мухлисларни жамоа атрофида бирлашишга чақираман. Улар бизни яхши ва ёмон кунларимизда қўллаб-қувватлашини истайман. Мавсум маррасигача биргаликда борамиз», – деди Венгер.

Эслатиб ўтамиз, Педро 80-дақиқада майдондан четлатилгач, ҳисоб тенглашган эди.