«Arsenal» bosh murabbiyi Arsen Venger «Chelsi»ga (1:1, pen: 4:1) qarshi Angliya superkubogi bahsidan so‘ng o‘z fikrlarini aytdi.
«Pedroning chetlatilishi qanchalik haqqoniy ekanini bilmayman, biroq o‘sha paytda biz maydonda ustun edik. Raqib darvozasi oldida ko‘plab xavfli vaziyatlarni yaratdik.
Muxlislarni xursand qilganimizdan mamnunmiz. O‘yin juda og‘ir bo‘ldi, ammo g‘alaba qozonish uchun bor kuchimizni ishga soldik.
Muxlislarni jamoa atrofida birlashishga chaqiraman. Ular bizni yaxshi va yomon kunlarimizda qo‘llab-quvvatlashini istayman. Mavsum marrasigacha birgalikda boramiz», – dedi Venger.
Eslatib o‘tamiz, Pedro 80-daqiqada maydondan chetlatilgach, hisob tenglashgan edi.
