"Реал" бош мураббийи Зайниддин Зидан "Манчестер Юнайтед"га қарши ўйин олдидан матбуот анжуманида қатнашди.

"Биз яхши ҳолатдамиз ва мавсумга тайёрмиз. Бу бизнинг илк расмий ўйинимиз ва биз бу ўйинда яхши натижа қайд этишни истаймиз. Жисмоний тарафдан яхши холатдамиз ва шу билан бирга етарлича дам олдик.

4та яримҳимоячи билан ҳаракат қиламанми? Келинг яхшиси ўйинни ўзгартирмайлик. Бизда футболчилар кўп, улар ҳар қандай позицияда тўп сура олади, эртага эса кимлар майдонга тушиши гувоҳи бўласиз.

Криштиану Роналду? У менда жуда яхши таассурот уйғотмоқда – у худди ЧЛ финалидагидек жуда юқори формада. У эртага майдонга тушишга тайёр. Бироқ ўйнайдими ёки йўқ, буни эртага кўрамиз. Мураббий сифатида мен футболчиларимнинг имкониятига кераклича бахо беришим керак. Роналду ҳозирда яхши жисмоний холатда, унинг ўзи ҳам Суперкубокда майдонга тушиш истагида.

Мен "Реал Мадрид"да 16 йилдан бери фаолият олиб бормоқда. Бу клубда ҳамма ўз жойини яхши билади ва ғалабаларга қайта эришиш учун иштиёқига тўла. Биз Чемпионлар лигасида кетма-кет учинчи марта ғалаба қозонишни истаймиз, бироқ осон бўлмаслиги аниқ. Шунга қарамасдан бизнинг мақсадимиз ўзгармайди. Биз кетма кет икки марта бу мусобақада ғолиб чиқдик. Энди учинчи бор бу ишни бажармоқчимиз.

Бэйл? Футболчида ҳаммаси жойида. У деярли 4 ой футбол ўйнамади ва ҳозирда мен унда муаммо кўрмаяпман. Мени қизиқтираётгани эртага у нима қилиши. Моуринё ўз жамоасини кучайтириш ҳақида ўйлайди, мен ҳам ўз жамоамни. Учрашув олдидан бироз бензин сепилиши мумкин, лекин бу билан ҳеч нарса ўзгармайди. Биз барчамиз бу ерга ғалаба қозониш учун келганмиз. Бэйл "Реал Мадрид" футболчиси, мени эса эртангги ўйин қизиқтиради.

Об-ҳаво? Фарқи йўқ. Улар ҳам Америкада тайёргарлик кўришди, биз ҳам. Мадридда ҳам шундай иссиқ об-ҳаво ҳукм суради. Бу футбол, биз ҳеч нарсани ўзгартира олмаймиз" - деди Зидан.