Россиянинг «Ростов» клуби бош мураббийи Леонид Кучук кеча бўлиб ўтган «Динамо»га (0:0) қарши баҳсдан сўнг, жамоанинг ҳужум чизиғи борасида фикр билдира туриб, Элдор Шомуродовга ҳам тўхталиб ўтди.
«Ростов»нинг молиявий имкониятлари у қадар катта эмас. Бухаров ҳозирда Германияда даволаниш билан банд. Тахминан бир ҳафтадан сўнг қайтади.
Владимир Дядюн ўзини яхши томонлама кўрсатмоқда. У рақиб билан курашларда ажойиб ҳаракат қилмоқда ва шерикларига вазиятлар яратиб беряпти. Элдор Шомуродов ҳам бор. Унинг ўйин сифати яхши. Бу баҳсда Элдор йўқ жойдан пайдо бўлган вазиятдан фойдаланиб қолиши мумкин эди» - деди Кучук «Ростов» клуби матбуот хизмати хабарида.
