Хитой Суперлигасида 21-тур ўйинлари ўтказилди.
«Шанхай СИПГ» сафарда «Хэбей» билан дуранг ўйнади. Ҳамюртимиз Одил Аҳмедов «СИПГ» асосий таркибида майдонга тушиб, 90 дақиқа ўйнади. Мавсум бошидан буён унинг ҳисобида 15та ўйин ва 1 гол бор. Бу натижадан сўнг, «СИПГ» мусобақа жадвалида 42 очко билан 2-ўринда қолди.
«Бейцзин Гоан» сафарда «Тяньцзинь Сунцзян» билан дуранг ўйнади. Ҳамюртимиз Егор Кримец бу сафар ҳам мезбонлар таркибида майдонга тушмади. Жорий мавсумда у жамоаси таркибида бор йўғи 2 ўйинда майдонга тушган. Бу натижадан сўнг, «Бейцзин Гоан» мусобақа жадвалида 33 очко билан 7-ўринда бормоқда.
Хитой Суперлигаси, 21-тур
«Хэбей» - «Шанхай СИПГ» - 2:2
Голлар: Лавесси (71), Гао (74) - Элкесон (7), Ҳе Гуан (90+1)
«Тяньцзинь Сунцзян» - «Бейцзин Гоан» - 2:2
Голлар: Женг Далун (18), Пато (34 пен) - Чжан (50), Ю Янг (56)
