Миланнинг «Интер» клуби ҳужумчиси Габриэль Барбоса жамоани тарк этишга яқин турибди.
FC Inter News портали хабарига кўра, бразилиялик футболчи ижара асосида Лиссабоннинг «Спортинг» клубига ўтишга розилик билдирган.
Футболчининг расмийлари айни пайтда португалияликлар билан музокараларни давом эттирмоқда. «Интер» устози Спаллетти ёш ҳужумчига ишонч билдирмаяпти.
Габриэль Барбоса ўтган мавсум битта ҳам учрашувда асосий таркибда майдонга тушмаган. Унинг ҳисобида бор-йўғи битта гол мавжуд.
«Интер» Габиголни 29,5 миллион евро эвазига сотиб олган эди.
