«Ницца» клуби мухлислари Чемпионлар лигаси саралашидан ўрин олган «Наполи»га қарши сафар ўйинида стадионга киритилмайди.
Неаполь шаҳри маъмурияти франциялик мухлисларга бу ўйин учун чипта сотишни тақиқлаб қўйган. Бу қарор хавфсизлик чора-тадбирлари доирасида, мухлислар ўртасидаги тўқнашувнинг олдини олиш мақсадида қабул қилинган.
Football Italia хабарига кўра, 16 август куни ўтказиладиган ўйинга Франция фуқаролигига эга мухлисларга чипта сотилмайди.
«Ницца» клуби жавоб ўйинида италиялик мухлисларга нисбатан қандай чора қўллаши ҳозирча номаълум.
