«Арсенал» бош мураббийи Арсен Венгер Англия чемпионатининг 1-тури доирасида бўлиб ўтган «Лестер»га қарши ўйин (4:3) борасида ўз фикрларни билдириб ўтди.
«Биз характер кўрсатдик ва ўйин охиригача олдинга ташландик. Дарвозамизга урилган голларнинг айримларини ўтказиб юбормаслигимиз мумкин эди. Бунинг устида ишлаймиз.
Жиру? Мен уни инсон ва футболчи сифатида яхши кўрааман. У фантастик йигит. У жамоани тарк этишни истамайди. Сафимизда ҳужумчи кўплиги боис, мен унга клубдан кетиш имкониятини бермоқчи бўлдим, аммо у қолишга қарор қилди. Олдимизда ўйинлар кўп, ҳар бир ҳужумчига ўйнаш имкониятини бераман.
Ушбу мавсумда 6 ёки 7 жамоа чемпионлик учун курашишга қодир. Бу эса чемпионатни қизиқарли қилади. Ҳар бир йўқотилган очко қимматга тушиши мумкин», — деди Венгер.