“Тоттенҳэм” ҳимоячиси Дэнни Роузнинг жамоа трансфер сиёсатини танқид қилиб чиққани Англияда муҳокама қилинаётган энг оммавий мавзулардан бирига айланди.
Роуз интервьюсида “Тоттенҳэм” сотиб олаётган футболчиларнинг нотаниш экани, улар ҳақидаги маълумотни ҳатто Google қидирув тизимида ҳам топиб бўлмаслигини айтган эди.
Бугун бош мураббийи Маурисио Почеттино Роузга жавоб қайтарди.
“Ишонч билан айта олишим мумкинки, бундан беш йил аввал Англияга келганимда, бу ердагилар мен ҳақимда ҳеч нарсани билмасди. Мен ҳақимда маълумот ўрганмоқчи бўлганлар албатта, Google ёки Yahoo қидирув тизимидан фойдаланган. Муаммо шундаки, танилмаган футболчилар ҳатто интернетга ҳам кирмайди.
Роузнинг киноясини тушуниш мумкин, аммо жамоа раҳбарияти қўлидан келган ишни қилмоқда”, - деди мураббий Daily Mail нашрига берган интервьюсида.
