«Реал» бош мураббийи Зайниддин Зидан «Барселона»га қарши Испания суперкубоги ўйинидан олдин ўз фикрини айтди.
«Якшанба куни Неймарнинг ўрнига майдонга тушадиган футболчи унинг ўрнини босолмайди. Дунёда Неймарга тенг келадиган футболчилар жуда кам.
Ҳа, «Барселона»да ўзгаришлар юз берди, бироқ у барибир «Барселона» бўлиб қолаверади. Уларнинг ўйини услуби ўзгармайди. Агар бизни осон ўйин кутмоқда деб ўйласак, хато қилган бўламиз.
Футболчиларимизнинг жисмоний ва руҳий ҳолати жойида. Ҳамма майдонга тушишни истамоқда. Танлаш имкониятимиз бор. Роналду ҳам тайёр.
Суперкубок ўйинлари муҳим, чунки бу совриндир. Кўпчилик бу ўйинни «Барселона»га қарши қарама-қаршилик сифатида кўрмоқда, бу мен учун ҳеч нарсани ўзгартирмайди», — деди Зидан.
