Бугун Жанубий Корея терма жамоаси бош мураббийи Шин Тэ Йонг ЖЧ саралаш босқичининг сўнгги турлари учун 26 нафардан иборат таркибни эълон қилди.

Таркибга назар ташлар эканмиз, жароҳати сабаб майдонга туша олмасада "Суонси" аъзоси Ки Сонг Йонг, 39 ёшли фаҳрий ҳужумчи Ли Донг Гук кабиларга кўзимиз тушади. Буни терма жамоа бош мураббийи "руҳий томондан мадад бериши учун", — дея изоҳлаган. Таркибда 30 ёшдан юқори футболчилар кўп ва тажрибага таяниш кўзда тутилмоқда.

Дарвозабонлар: Ким Жин Ҳён ("Серезо Осака",Япония), Ким Сунг Гю ("Виссел Кобе",Япония), Жо Ҳён Ву ("Тегу").
Ҳимоячилар: Ким Ки Ҳи ("Шанҳай Шенҳуа", Хитой), Ким Жу Йонг ("Ховей", Хитой), Ким Йонг Гвон ("Гуангжоу Эвегранд", Хитой), Ко Йо Ҳан ("Сеул"), Ким Мин У ("Сувон"), Ким Мин Же, Чой Чол Сун, Ким Мин Су (ҳаммаси "Чонбук").
Яримҳимоячилар: Ки Сонг Йонг ("Суонси",Англия), Сон Ҳеунг Мин ("Тоттенҳем", Англия), Квон Кёнг Вон ("Тензин", Хитой), Жанг Ҳён Су ("Токио", Япония), Ку Жа Чол ("Аугсбург", Германия), Ким Бо Кёнг ("Кашива Рейсол", Япония), Квон Чанг Ҳун ("Дежонг", Франция), Жонг У Йонг ("Чунгчинг", Хитой), Нам Тэ Хи ("Ал-Дуҳайл", Қатар), Ём Ки Ҳун ("Сувон"), Ли Же Сонг ("Чонбук"), Ли Кин Хо ("Кангвон").
Ҳужумчилар: Ли Донг Гук ("Чонбук"), Ким Шин Ук ("Чонбук"), Ҳванг Ҳи Чан ("Залтсбург", Австрия).

Отабек Йўлдошев
Жанубий Корея, Сеул