Bugun Janubiy Koreya terma jamoasi bosh murabbiyi Shin Te Yong JCH saralash bosqichining so‘nggi turlari uchun 26 nafardan iborat tarkibni e’lon qildi.

Tarkibga nazar tashlar ekanmiz, jarohati sabab maydonga tusha olmasada "Suonsi" a’zosi Ki Song Yong, 39 yoshli fahriy hujumchi Li Dong Guk kabilarga ko‘zimiz tushadi. Buni terma jamoa bosh murabbiyi "ruhiy tomondan madad berishi uchun", — deya izohlagan. Tarkibda 30 yoshdan yuqori futbolchilar ko‘p va tajribaga tayanish ko‘zda tutilmoqda.

Darvozabonlar: Kim Jin Hyon ("Serezo Osaka",YAponiya), Kim Sung Gyu ("Vissel Kobe",YAponiya), Jo Hyon Vu ("Tegu").
Himoyachilar: Kim Ki Hi ("Shanhay Shenhua", Xitoy), Kim Ju Yong ("Xovey", Xitoy), Kim Yong Gvon ("Guangjou Evegrand", Xitoy), Ko Yo Han ("Seul"), Kim Min U ("Suvon"), Kim Min Je, Choy Chol Sun, Kim Min Su (hammasi "Chonbuk").
Yarimhimoyachilar: Ki Song Yong ("Suonsi",Angliya), Son Heung Min ("Tottenhem", Angliya), Kvon Kyong Von ("Tenzin", Xitoy), Jang Hyon Su ("Tokio", Yaponiya), Ku Ja Chol ("Augsburg", Germaniya), Kim Bo Kyong ("Kashiva Reysol", Yaponiya), Kvon Chang Hun ("Dejong", Fransiya), Jong U Yong ("Chungching", Xitoy), Nam Te Xi ("Al-Duhayl", Qatar), Yom Ki Hun ("Suvon"), Li Je Song ("Chonbuk"), Li Kin Xo ("Kangvon").
Hujumchilar: Li Dong Guk ("Chonbuk"), Kim Shin Uk ("Chonbuk"), Hvang Hi Chan ("Zaltsburg", Avstriya).

Otabek Yo‘ldoshev
Janubiy Koreya, Seul