«Ювентус» ҳужумчиси Пауло Дибала ўз келажаги ҳақида баёнот билан чиқди.
Аввалроқ, у билан «Барселона» клуби қизиққан, бироқ, аргентиналик футболчи Туринда қолишни маъқул кўрган эди.
«Юве» таркибида эканимдан бахтиёрман. Уч ой бурун клуб билан янги шартнома имзоладим. Сўнгра, менга 10-рақамни таклиф қилишди. 2 кун ўйлаб кўриб, бунга рози бўлдим.
Мен Туринни тарк этмайман. Агар раҳбарият рози бўлса, «Ювентус»да умрбод ўйнашга тайёрман», - деди Пауло Sport Mediaset эфирида.