“Насаф”га қарши ўйиндан кейин мураббийлар штаби "Бухоро" футболчиларига икки кунлик дам берганди.
Энди жамоа вакиллари эртага Тошкентда йиғилади ва навбатдаги баҳсга тайёргарликни бошлайди. Эслатиб ўтамиз, кейинги турдаги рақиб – Тошкентнинг “Обод” жамоасидир. Гарчи “Обод” жамоаси айни пайтда мусобақа жадвалида сўнгги ўринни эгаллаб турган бўлсада, “Бухоро” рақибини хурмат қилган холда, ўйинга жиддий тарзда тайёрланишни мақсад қилган.
Сариқ карточкалари 4тага етгани сабабли “Насаф”га қарши ўйинни ўтказиб юборган ҳужумчи Иван Нагаев навбатдаги турдан яна жамоага ёрдам бера бошлаши албатта қувонарлидир.
