Испания Ла-лигасининг навбатдаги мавсуми эртага старт олмоқда. Шу муносабат билан сайтимизда ўтказиб келинаётган "Футбол башорати" танловининг Испания чемпионати бўйича янги мавсумини бошлаяпмиз.

Танлов қоидалари
А) Сайтда рўйхатдан ўтган мухлислар иштирок эта олади.

B) Сайтдаги "Футбол башорати" танловининг Ла лига-2017/2018 бўлимига кириб, битта турда келтирилган ўйинлар учун ўзингизнинг тахминий натижаларингизни киритинг, сўнгра "ОК" тугмасини босинг. Турдаги ўйинларга вариант киритиш баҳс бошланишига 1 соат вақт қолганида тўхтатилади.

Ҳисоблаш тартиби
A) Ҳисобни тўғри топган мухлисга 3 балл берилади. Фақатгина ғолиб жамоани тўғри топган мухлисга 1 балл берилса, тўплар фарқини ҳам тўғри топган ишқибозга 2 балл берилади. Дуранг билан якунланган ўйинларда сиз ҳам дуранг натижани киритган бўлсангизу, ҳисоб аниқ бўлмаса ҳам 2 балл тақдим этилади.

B) Натижалар ва мухлислар рейтинги билан ўша саҳифадаги "Рейтинг" бўлими орқали танишиб борасиз. Танлов якунида очколар тенг келиб қолганда ғолиб номи қуйидагича аниқланади:
— энг кўп топилган аниқ ҳисоблар сони;
— энг кўп топилган тўплар фарқи;

Мукофот жамғармаси
Танлов учун мукофот жамғармаси ажратилган бўлиб, дастлабки 5та ўринга қуйидагича мукофот берилади:
1-ўрин: 50 минг сўм
2-ўрин: 40 минг сўм
3-ўрин: 30 минг сўм
4-ўрин: 20 минг сўм
5-ўрин: 10 минг сўм

Барчага омад тилаймиз.

Футбол башорати: Испания Ла лигаси-2017/2018