Шу йилнинг 21-26 август кунлари Франциянинг Париж шаҳрида спорт курашлари бўйича Жаҳон чемпионати турнири ўтказилади.

Юнон-рум ва эркин кураш бўйича йилнинг энг нуфузли мусобақаси бўлган ушбу турнирда Ўзбекистон терма жамоасининг 11 нафар аъзоси совринлар учун кураш олиб боради.

21 августда куни бошланадиган юнон-рум кураши бўйича беллашувларда  Феруз Тўхтаев (59 кг), Элмурод Тасмуродов (66 кг), Арам Варданян (71 кг), Рустам Ассакалов (98 кг) ҳамда Мўмин Абдуллаев (130 кг) юртимиз шарафини ҳимоя қилади. 

Эркин кураш бўйича терма жамоамиз эса Франция пойтахтига 22 август санасида йўл олишади. Улар мусобақани 24 августдан бошлашади. Таркибдан Нодиржон Сафаров (57 кг), Ихтиёр Наврўзов (70 кг), Бекзод Абдураҳмонов (74 кг), Умиджон Исманов (86 кг), Магомед Ибрагимов (97 кг) ҳамда Давид Модзманашвили (125 кг) жой олган.