"Реал" ўзига тегишли бўлган чемпионлик тожининг ҳимоясини ишончли ғалаба билан бошлади. Одатда мадридликлар "Депортиво"га қарши ўйинларда ортиқча муаммога дуч келишмайди. Бу сафар ҳам шундай бўлди.
Бутун ўйин давомида катта устунликка эга бўлган Зидан шогирдлари биринчи бўлим ўрталарида рақиб дарвозасини 2 марта ишғол қилишди. Иккинчи бўлимда эса Тони Кроос ҳисобни йирик кўринишга келтирди.
Учрашув сўнгида мезбонлар битта жавоб тўпини киритишлари мумкин эди, аммо белгиланган пенальтини Андоне аниқ амалга ошира олмади. Ўйинги қўшиб берилган дақиқаларда эса Серхио Рамос иккинчи "сариқ"ни олиб, майдонни тарк этди. "Реал" сардори навбатдаги баҳсни ўтказиб юборишга мажбур бўлади.
Испания Ла лигаси, 1-тур
Депортиво – Реал Мадрид 0:3 (0:2, 0:1)
Голлар: 0:1 – 20 Бэйл, 0:2 – 27 Каземиро, 0:3 – 62 Кроос.
Ноаниқ пенальти: Андоне (89, Депортиво)
Депортиво – Мартинес, Хуанфран, Шер, Сидней, Луизинью, Гильерме, Москера, Картабия (Борха Валье, 79), Борхес (Адриан, 65), Баккали (Гама, 54), Андоне.
Реал Мадрид – Навас, Карвахаль, Начо, Рамос, Марсело, Модрич, Каземиро (Маркос Льоренте, 72), Кроос, Иско (Асенсио, 66), Бензема, Бэйл (Васкес, 80).
Огоҳлантиришлар: Баккали (24), Шер (53), Рамос (53), Модрич (57), Картабия (60), Москера (84), Андоне (87).
Четлатиш: Рамос (90).