“Арсенал” “Сток Сити”га имкониятни бой бергач, қизиқ воқеа юз берди. Яъни “канонирлар”нинг мухлисларидан бири твиттердаги саҳифаси орқали маҳаллий полицияга “Арсенал”нинг мағлубиятга учраганидан шикоят қилиб, айбдорларни жазолашни сўради.

“Мен сизга ўғирлик ҳақида хабар бермоқчиман”, деб ёзди мухлис “Арсенал”нинг очко йўқотганига ишора қилиб. Маҳаллий полиция эса мухлиснинг гапига ҳазиломуз жавоб қайтарди: “Жавобни куттириб қўйганимиз учун узр сўраймиз. Биз Ўзил фамилияли одамни қидирувга бердик. Мабодо сиз уни кўрмадингизми?”

Британия полициясининг бундай ҳазиломуз жавоби кўпчилик томонидан ижобий кутиб олинди.