“Arsenal” “Stok Siti”ga imkoniyatni boy bergach, qiziq voqea yuz berdi. Ya’ni “kanonirlar”ning muxlislaridan biri tvitterdagi sahifasi orqali mahalliy polisiyaga “Arsenal”ning mag‘lubiyatga uchraganidan shikoyat qilib, aybdorlarni jazolashni so‘radi.

“Men sizga o‘g‘irlik haqida xabar bermoqchiman”, deb yozdi muxlis “Arsenal”ning ochko yo‘qotganiga ishora qilib. Mahalliy polisiya esa muxlisning gapiga hazilomuz javob qaytardi: “Javobni kuttirib qo‘yganimiz uchun uzr so‘raymiz. Biz O‘zil familiyali odamni qidiruvga berdik. Mabodo siz uni ko‘rmadingizmi?”

Britaniya polisiyasining bunday hazilomuz javobi ko‘pchilik tomonidan ijobiy kutib olindi.