Футзал бўйича Ўзбекистон миллий терма жамоаси шу йилнинг 24-31 август кунлари Россиянинг Екатеринбург шаҳрида бир ҳафталик йиғин ўтказади.

Вакилларимиз у ерда Россиянинг "Виз-Синара" ва "Зик-Урфу" жамоаларига қарши иккитадан ўйин ўтказади. Баҳодир Амедов хориж йиғинига 16 нафар футзалчини жалб этди. Қуйида терма жамоа делегациясининг Россияга борадиган таркибини эътиборингизга ҳавола этамиз.

Раҳбарият - Аҳмедов Баҳодир (Бош мураббий), Толибжонов Рустам (Менежер), Элибоев Нодир (Катта мураббий), Йўлчиев Суннатулла (Шифокор), Умаров Умиджон (Маъмур)

Бўлажак йиғин Ўзбекистон футзал термаси учун Туркманистон пойтахти Ашхобод шаҳрида ёпиқ иншоотларда бўлиб ўтадиган 2017 йилги Осиё ўйинлари ва футзал бўйича 2018 йилги Осиё чемпионати саралаш баҳсларига тайёргарлик вазифасини ўтайди.

Маълумот учун, Ашхободдаги Осиё ўйинлари шу йилнинг 17–27 сентябрь кунлари ўтказилади.