«Барселона» президенти Жозеп Бартомеу ҳужумчи Неймарнинг ПСЖ клубига ўтишини олдиндан билган.

Sport хабарига кўра, 22 июль куни Бартомеу Нью-Йоркда Неймар билан учрашиб, унинг келажагини муҳокама қилган. Неймар 15 дақиқа давомида «ПСЖ» клубига ўтмоқчи эмаслиги ҳақида гапириб, президентни ишонтирмоқчи бўлган. Аммо Бартомеу унга ишонмаган.

«У гапираётганида кўзимга тик қарамади. Шунда мен унинг клубни тарк этиш ҳақида қайғураётганини англаб етдим», – деди Бартомеу.

Шундан сўнг, Бартомеу зудлик билан спорт директори Роберто Фернандес билан учрашиб, Неймарга ўринбосар топиш зарурлигини айтган.

Эслатиб ўтамиз, Неймарнинг «ПСЖ» клубига трансфери 3 август куни расмийлаштирилди.