«Барселона» Испания чемпионатининг 2-тури доирасида «Алавес» меҳмони бўлди ҳамда осон бўлмаган ғалабани қўлга киритди.

Мезбонлар номдор рақиб жиддий қаршилик кўрсатишди. Ҳаттоки бир нечта қулай имкониятлардан фойдалана олишмади. Биринчи бўлимда Собрино бирга-бир вазиятдан фойдалана олмади: Тер Штеген зарбани қайтарди.

Ўйиннинг 39-дақиқасида эса Месси пенальтидан самарали фойдалана олмади: "Алавес" дарвозабони бурчак томон йўлланган кучли зарбани бартараф этди.

Иккинчи бўлим бошида "Алавес" ҳужумчиси яна бир қулай имкониятни кўкка совурди. Шундан сўнг катта саҳнага Лионель Месси чиқди ва рақиб дарвозасини 2 марта ишғол қилишга муваффақ бўлди.

Шу тариқа, Вальверде жамоаси иккинчи ўйинни ҳам 2:0 ҳисобида ўз фойдасига ҳал қилди ва ўз очкосини 6тага етказиб олди.

Испания Ла лигаси, 2-тур
Алавес – Барселона 0:2 (0:0)
Голлар: 0:1 – 55 Месси, 0:2 – 66 Месси.
Алавес – Пачеко, Руано, Эли, Вигарай, Педраса, Пина, Ману Гарсия, Ромеро, Мубарак (Зидан, 77), Ибаи Гомес (Бурги, 67), Собрино (Сантос, 78).
Барселона – тер Стеген, Пике, Альба, Алеиш Видаль (Пако Алькасер, 57), Умтити, Иньеста (Паулиньо, 88), Бускетс, Серджи Роберто, Ракитич, Деулофеу (Денис Суарес, 71), Месси.
Огоҳлантиришлар: Умтити (32), Мубарак (36), Эли (38), Серджи Роберто (41), Пике (45).