"Навбаҳор" бош мураббийи Илҳом Мўминжонов Ўзбекистон чемпионатида юзага келган танаффусдан фойдаланиб, хорижга сафар уюштиради.
Мураббий 30 август куни Жанубий Кореяга йўл олади. Хориж сафаридан мақсад - ЖЧ-2018 саралаш турниридан ўрин олган Жанубий Корея - Эрон терма жамоалари ўртасидаги учрашувни томоша қилишдан иборат.
Шу билан бир қаторда Мўминжонов кореяликларнинг ўйин услубини ўрганиш ва малака оширишни ҳам мақсад қилган. Жанубий Корея сафари давомида Илҳом Мўминжоновга "Қўқон-1912" жамоаси бош мураббийи Нўъмон Ҳасанов ҳамроҳлик қилади.
Эслатиб ўтамиз ЖЧ саралашидан ўрин олган Жанубий Корея - Эрон терма жамоалари учрашуви 31 август куни бўлиб ўтади.
