Қатар Ташқи ишлар вазири Муҳаммад бин Абдураҳмон Ас-Соний мамлакатида ўтадиган жаҳон чемпионатининг муваффақиятли ўтишига ишонмоқда.
"Қатар 2022 йилдаги жаҳон чемпионатини муваффақиятли ўтказади. Бунга ишончим комил. Мавжуд бўлган муаммолар ижобий ҳал қилиниши устида ҳаммамиз ишламоқдамиз. Мундиалга тўсқинлик қиладиган ҳеч анрса бўлмаслиги керак" - деди мулозим ТАСС хабарида.
Эслатиб ўтамиз, айни пайтда Қатар Форс кўрфази давлатлари томонидан эълон қилинган бойкот туфайли яккаланиб қолган. Бундан ташқари, мамлакатдаги иқтисодий танглик натижасида, ЖЧ-2022 қурилиш объектларини молиялаштириш бир неча марта қисқартирилганди.
