Хитой терма жамоасига қарши ўйинда кўп нарсанинг гувоҳи бўлдик. Биз ишониб қолдикки, терма жамоамиз исталган рақибни мағлуб этиши мумкин, агар Бабаян миясини ишлатса. Биз ишониб қолдикки, Самвел Бабаяннинг футболни унчалик тушунмаслиги ҳали бизга кўп панд бериши мумкин. Биз ишониб қолдикки, мураббийлар штабидаги мутахассислар ё футбол борасидаги билимларини унутишган, ёки Бабаяннинг раъйига қарши бора олишмайди. Биз ишониб қолдикки, “Миллион” гуруҳи айтганидек кимдир ёки кимлардир таркиб борасида Бабаянга чиндан ҳам тазйиқ ўтказадиганга ўхшайди. Зеро акс ҳолда Бабаян ишончи оқламайдиган футболчини қайта ва қайта туширавермасди.
БУ ТАРКИБ НИМАСИ ЭНДИ?
Таркибни кўриб, очиғИ Лобанов йўқлигидан қувонгандик. Бироқ бошқа футболчиларнинг туширилиши дард устига чипқон бўлди. Шахсан мен Игор Сергеевнинг умуман майдонга туширилмаслигини истаган бўлардим. Чунки у кучайиши мумкиндир, аммо бу кучайиши нари борса олий лига жамоалари дарвозаларига гол уришга етади. Нега Бабаян яна Сергеевни асосий таркибда майдонга туширди? Нега? Ахир таркибда Темурхўжа Абдухолиқов ўтирганди-ку! Бу таркибдаги биринчи қўпол хато.
Иккинчи хато Сервер Жепаров. Биринчидан, хитойликлар тез ўйнашади, жуда тез, бундай ўйинларда Жепаровдек футболчини тушириш тактик жиҳатдан хато ҳисобланади. Айнан Жепаровнинг ишончсизлиги жуда қулай вазиятнинг кўкка совурилишига сабаб бўлди. Хуллас, танланган таркиб рақибга ҳам, ўйинга ҳам мос эмасди.
ЯНА БИР АҲМОҚЛИКНИНГ ЧЎҚҚИСИ…
