«ПСЖ» ва «Монако» кун давомида Килиан Мбаппе трансферини муҳокама қилишган.
Клублар аввалдан футболчининг бир йиллик ижарасини режалаштирганди. Бу вариантга кўра, футболчи бир йилдан кейин тўлиқ сотиб олиниши кўзда тутилганди.
Кейинроқ «ПСЖ» футболчини ҳозироқ сотиб олмоқчи бўлаётгани ҳақида хабарлар тарқалди. Аммо УЕФА Париж клубини бу ҳолда молиявий фэйр-плей бузилиши туфайли оғир оқибатлардан огоҳлантирган (УЕФА ҳомийлигидаги турнирлардан четлаштириш таҳдиди). Натижада бу вариантдан воз кечилган.
Шу тариқа, «ПСЖ» Мбаппени ижарага олди, унинг учун монегаскликларга 135 миллион евро тўланади, шунингдек, 45 миллион евро бонуслар сифатида ваъда қилинган.
