«PSJ» va «Monako» kun davomida Kilian Mbappe transferini muhokama qilishgan.

Klublar avvaldan futbolchining bir yillik ijarasini rejalashtirgandi. Bu variantga ko‘ra, futbolchi bir yildan keyin to‘liq sotib olinishi ko‘zda tutilgandi.

Keyinroq «PSJ» futbolchini hoziroq sotib olmoqchi bo‘layotgani haqida xabarlar tarqaldi. Ammo UYEFA Parij klubini bu holda moliyaviy feyr-pley buzilishi tufayli og‘ir oqibatlardan ogohlantirgan (UYEFA homiyligidagi turnirlardan chetlashtirish tahdidi). Natijada bu variantdan voz kechilgan.

Shu tariqa,  «PSJ» Mbappeni ijaraga oldi, uning uchun monegaskliklarga 135 million yevro to‘lanadi, shuningdek, 45 million yevro bonuslar sifatida va’da qilingan.