Украина терма жамоаси устози Андрей Шевченко Туркияга (2:0) қарши ЖЧ-2018 саралаш ўйинидан сўнг, ўз фикрларини айтди.
"Аввало, мухлисларга ажойиб муҳит учун миннатдорчилик билдираман. Биз Туркияни яхши ўрганиб чиқдик, футболчиларимизнинг жисмоний ҳолати эса маромида эди.
Тактикага кўра, деярли энг зўр ўйинимизни ўтказдик. Йигитлар ҳужумкор ўйинга ҳаракат қилишди, ҳимояга ётиб олмадик.
Рақиб бош мураббийи Луческуни ҳурмат қиламан. У "Шахтёр" ва Украина футболи учун жуда кўп меҳнат қилган" - деди Шевченко.
