Ўзбекистон терма жамоаси сафида Ҳамбургдаги Жаҳон Чемпионатида иштирок этиб, кумуш медални қўлга киритган боксчи Ҳасанбой Дўстматов ўзи ва жамоадошларини қўллаб-қувватлаган мухлислардан миннатдор экани ҳақида айтди.
"Қўллаб-қувватлаганинглар учун катта раҳмат! Биз шу билан тўхтаб қолмаймиз ва ишлашда давом этамиз. Сизларни ҳали кўп хурсанд қиламиз. Яна бир бор раҳмат! Ўзбекистонда туғилганимдан ва сиздек аҳил халқимиз борлигидан фахрланаман!" - деди Ҳасанбой Дўстматов.
Instagram саҳифасида чиқиш қилган Ҳасанбой мазкур сўзларига илова қилиб хитойлик машҳур жанг санъати устаси, киноактёр Брюс Лининг расмини қўйган. Расмга қуйидаги сўзлар ёзилган: «Ҳаётда энг муҳими ҳаракатда давом этиш ва ўз мақсади сари олға қадам босишдир».
