Таниқли мутахассис Алишер Никимбаев «Фейсбук»даги саҳифаси орқали Ўзбекистон терма жамоаси ҳужумчиси Игорь Сергеев ўйинига алоҳида тўхталди.
«Ҳужумчига нималарга асосан баҳо бериш керак? Биринчи навбатда, голлари инобатга олинади, албатта.
Масалан, бир ҳужумчи ички чемпионатда 24та гол урди, Чемпионлар Лигасида яна 3та. Кейинги мавсумнинг ярмига қадар эса ички чемпионатда 11та, Чемпионлар Лигасида 5та гол ҳосил қилди.
Умумий ҳисобда бир ярим йилда 43та гол. Яхши натижами? Ажойиб натижа! Бу ҳужумчи кимлигини биласизми? Игорь Сергеев!
Унинг 2015 йил сентябрь-2016 йил июль оралиғида қайд этган статистикаси шундай. Кейин нима бўлди? Футболчи ижара асосида Хитой клубига кетди.
Шундан буён Игорни худди алмаштириб қўйишгандек туюляпти. Аслида Сергеевнинг тўпурарлик қобилиятига ҳеч қандай шубҳа йўқ. Аммо ўша хислатни қандай қайтариш мумкин? Шуниси катта савол...»,-деди Никимбаев.
