"Интер"нинг аргентиналик ҳужумчиси Мауро Икардининг турмуш ўртоғи ва агенти Ванда Нара эрига Италия терма жамоасидан чақирув бўлганини тан олди.
"Италия мураббийлар штаби Маурони чақирмоқчи эди. У икки ёки уч марта "Скуадра Адзурра" таркибида ўйнаш учун таклиф олди. Аммо Икарди Аргентина терма жамоасида тўп суришни бир умр орзу қилган" - деди Нара Football Italia хабарида.
Эслатиб ўтамиз, Мауро Икарди жамоадоши Макси Лопеснинг хотини Ванда Нара билан ажрашиб кетишига сабабчи бўлган ва кейинчалик унга уйланган эди. Шундан сўнг эса Аргентина терма жамоасига чақирилмай қўйган эди.
Сампаоли Аргентина бош мураббийи бўлгач, Икарди яна терма жамоадан чақирув олди.
