Испанияликлар орасида Инстаграм ижтимоий тармоғида машҳур бўлган футболчи кимлиги аниқланди.
«Реал» ҳимоячиси Серхио Рамос бу борада барчадан устун экани маълум бўлди. Унинг саҳифасига аъзо бўлганлар сони 20 миллионга яқинлашмоқда. Рамос бу кўрсаткич бўйича Икер Касильяс, Жерар Пике ва Сеск Фабрегасдан ўзиб кетган.
Футболчи саҳифасини доимий равишда янгилаб, фото ва видеоларни жойлаб туради. Дунё рейтингида у 80-ўринни эгаллаб турибди.
«Реал» футболчилари орасида эса Рамос жамоадошлари Карим Бензема, Марсело, Гарет Бэйл ва албатта Криштиану Роналдудан ортда боряпти.
