Олий лиганинг 20-турида Фарғонанинг “Нефтчи” жамоаси “Бухоро”ни қабул қилди.

Ўйинда меҳмонлар 2:1 ҳисобида ғалаба қозонди.

Баҳсдан кейин ўтказилган матбуот анжуманида бухороликлар устози Улуғбек Бақоев ўз фикрларини билдириб ўтди.

“Нефтчи” жамоасини анчадан бери ғалаба қозонмай келаётганини билардик. Айнан шуни инобатга олиб фарғоналикларнинг ғалабага бўлган интилиши кучли кўриниш олиши табиий эди. Ўйин қизиқарли бўлди. Баҳс сўнггидаги ғалаба тўпи мени ғоят қувонтирди. Йигитларга раҳмат. Футбол ўйини давомида гол киритиш учун жуда кўплаб вазиятлар бўлади. Бироқ мана шу вазиятларнинг барчаси ҳам гол билан тугаса бу спорт турининг қизиғи қолмайди. “Нефтчи” жамоасининг ўйини менга ёқди. Жамоа таркибидаги бир қатор футболчиларнинг ҳаракатларини алоҳида эътироф этиш мумкин. Фикримча, ҳозир “Нефтчи” жамоасининг намойиш этаётган ўйини уларнинг жадвалдаги эгаллаб турган ўрнига мос эмас. Фарғона жамоаси навбатдаги баҳсларда ғалаба қозонишида тилакдошман", - деди Бақоев.