Oliy liganing 20-turida Farg‘onaning “Neftchi” jamoasi “Buxoro”ni qabul qildi.

O‘yinda mehmonlar 2:1 hisobida g‘alaba qozondi.

Bahsdan keyin o‘tkazilgan matbuot anjumanida buxoroliklar ustozi Ulug‘bek Baqoyev o‘z fikrlarini bildirib o‘tdi.

“Neftchi” jamoasini anchadan beri g‘alaba qozonmay kelayotganini bilardik. Aynan shuni inobatga olib farg‘onaliklarning g‘alabaga bo‘lgan intilishi kuchli ko‘rinish olishi tabiiy edi. O‘yin qiziqarli bo‘ldi. Bahs so‘nggidagi g‘alaba to‘pi meni g‘oyat quvontirdi. Yigitlarga rahmat. Futbol o‘yini davomida gol kiritish uchun juda ko‘plab vaziyatlar bo‘ladi. Biroq mana shu vaziyatlarning barchasi ham gol bilan tugasa bu sport turining qizig‘i qolmaydi. “Neftchi” jamoasining o‘yini menga yoqdi. Jamoa tarkibidagi bir qator futbolchilarning harakatlarini alohida e’tirof etish mumkin. Fikrimcha, hozir “Neftchi” jamoasining namoyish etayotgan o‘yini ularning jadvaldagi egallab turgan o‘rniga mos emas. Farg‘ona jamoasi navbatdagi bahslarda g‘alaba qozonishida tilakdoshman", - dedi Baqoyev.