Англия премьер-лигаси раҳбарияти трансферлар бўйича тарихий қарорни қабул қилди.
Журналист Навил Уллолнинг хабарига кўра, келаси йили, ёзги трансфер дарчаси 31 август куни эмас, балки янги мавсум бошланишидан олдин, 9 август куни ёпиладиган бўлди.
Бунда гап фақат янги футболчиларнинг хариди тўғрисида кетмоқда. Клублар трансфер дарчаси ёпилгандан сўнг ҳам футболчиларини сотишлари мумкин.
Эслатиб ўтамиз, Европанинг кўпчилик чемпионатларида трансфер дарчаси 31 август ёки 1 сентябрь куни ёпилади.