Футбол бўйича кучли бешлик миллий чемпионатларида мавсум старт олиб, баъзиларида 3 ва баъзиларида 4 та тур якунига етиб бўлди.

Squawka нашрининг Twitter’даги саҳифаси мазкур чемпионатларда тўпурар бўлиб турган ва ҳозиргача 5 та ва ундан кўп гол урган 5 футболчи номини кўрсатди. Уларнинг барчаси жанубий америкалик футболчилар экани диққатга сазовор.

Франция чемпионатида тўп сураётган Радамел Фалкао ҳамда Эдинсон Кавани аллақачон 7 тадан гол уришга муваффақ бўлди. «ПСЖ» ва «Монако» ҳужумчиларидан кейин тўпурарликка энг яқинлардан бири ҳам америкадан — Неймар. Унинг ҳисобида 4 та гол бор.

Италия А сериясининг аргентиналик ҳужумчилари ҳисобланган Мауро Икарди ҳамда Пауло Дибала ҳам 5 тадан гол уриб улгурди. Испания Ла Лигасида Лионель Месси шундай кўрсаткич қайд этган.

Фақатгина Англия ва Германия чемпионатларида тўпурарлар европалик футболчилар. Бироқ улар 4 тадан ортиқ гол уриб улгурмаган.