«Ювентус» ҳужумчиси Гонсало Игуаин «Барселона» мухлисларини ҳақорат қилди.

AS хабарига кўра, ЕЧЛ 1-туридан ўрин олган «Барселона» - «Ювентус» (3:0) ўйини охирида, бош мураббий Массимилиано Аллегри уни захирага олганида, майдонни тарк этаётган Игуаин мухлисларга қарата ўрта бармоғини кўрсатган.

Маълумки, аргентиналик футболчи аввал «Реал» таркибида ўйнаган. Шу туфайли, каталониялик мухлислар ўйин давомида унинг шаънига ҳақоратлар ёғдириб, тинмасдан ҳуштакбозлик қилишган.

Ҳозирча, Игуаиннинг бу қилиғи бўйича УЕФА қандай қарор қабул қилиши номаълум.