УЕФА ташкилоти «Ювентус» ҳужумчиси Гонсало Игуаинни «Барселона»га қарши ўйиндаги қилиғи учун жазоламайдиган бўлди.
ЕЧЛ 1-туридан ўрин олган «Барселона» - «Ювентус» (3:0) ўйини охирида, бош мураббий Массимилиано Аллегри уни захирага олганида, майдонни тарк этаётган Игуаин мухлисларга қарата ўрта бармоғини кўрсатган эди.
Маълумки, аргентиналик футболчи аввал «Реал» таркибида ўйнаган. Шу туфайли, каталониялик мухлислар ўйин давомида унинг шаънига ҳақоратлар ёғдириб, тинмасдан ҳуштакбозлик қилишганди.
Воқеа тафсилотини ўрганиб чиққан УЕФА интизом қўмитаси футболчини жазош учун сабаб топмади.
