Ўзбекистон Профессионал Футбол Лигасининг 21-туридаги “Насаф” - “Локомотив” баҳси марказий ўйин саналади.
Бу жамоаларнинг ўртасидаги бўлиб ўтган ҳар бир учрашув футбол ишқибозларида катта қизиқиш ўйғотиб келади.
“Насаф” ўтган турда “Олмалиқ” жамоасини ўз майдонида қабул қилди ва 1:0 ҳисобида мағлуб этди. Бу жамоанинг мавсумдаги 11-ғалабаси ва ўз тарихидаги 340-ғалабаси сифатида қайд этилди. “Локомотив” жамоаси ҳам ўз майдонида “Шўртан” жамоаси билан беллашиб, 1:0 ҳисобидаги ғалабасини қўлга киритди.
Ушбу жамоалар олий лига баҳсларида 25 марта тўқнаш келган. Ўтган учрашувларнинг 12 тасида Насаф ғалаба қозонган. 5 учрашувда муроса кўчаси танланган. Қолган 8 учрашувда “темирйўлчилар”нинг қўли баланд келган. Тўплар нисбати бўйича устунлик Насаф томонида 35-27.
Бу жамоалар ўртасидаги учрашувларда “Насаф” – “Локомотив” 5:1 (2 марта), “Локомотив” – “Насаф” 5:2 кўринишидаги энг йирик ҳисоблар қайд этилган.
“Насаф” шу пайтгача 20та учрашув ўтказиб. 32 очко тўплади ва турнир жадвалининг 4-поғонасида бормоқда. “Локомотив” жамоаси 20 учрашувдан сўнг 45 очко тўплаб, турнир жадвалида яққол пешқадам бўлиб турибди.
Мазкур жамоалар Қаршида шу пайтгача 12 марта ўзаро куч синашган. Бу учрашувларнинг 8тасида Насаф ғалаба қозонган, 3 учрашувда “Локомотив”нинг қўли баланд келган, қолган 1 учрашувда дурангга имзо чекилган. Қаршидаги ўзаро учрашувларда жами дарвозаларга 39та тўп киритилган, тўплар нисбати - 24-15ни ташкил этмоқда. Демак, тўплар нисбати бўйича ҳам устунлик Насаф томонида.
“Насаф” сўнгги бор “Локомотив”ни Қаршида 2015 йили кичик 1:0 ҳисобида мағлубиятга учратган. “Локомотив” жамоаси ўтган йилги Қаршидаги учрашувда 2:1 ҳисобида “Насаф”дан устун келган.
Шу ўринда биринчи даврадаги Тошкентда бўлиб ўтган учрашувда “Локомотив” – “Насаф” 2:1 ҳисоби қайд этилганини ҳам эслатиб ўтамиз.
Қаршидаги сўнгги беш учрашув натижалари.
2016 йил. “Насаф” - “Локомотив” 1:2
2015 йил. “Насаф” - “Локомотив” 1:0
2014 йил. “Насаф” - “Локомотив” 2:5
2013 йил. “Насаф” - “Локомотив” 2:1
2012 йил. “Насаф” - “Локомотив” 0:2
Эслатиб ўтамиз, “Насаф” - “Локомотив” жамоалари ўртасидаги учрашув 16 сентябр шанба куни “Марказий” стадионда соат 18:45да бошланади. Мазкур жамоаларнинг ўринбосарлари ўртасидаги учрашув эса 15 сентябр жума куни Спутник қўрғонидаги ёшлар қароргоҳи майдонида соат 17:00да бошланади.
ЎзПФЛ, 21-тур
“Насаф” (Қарши) - “Локомотив” (Тошкент)
16.09.2017. “Марказий” стадиони. Соат 18:45да
Бош ҳакам: Ильгиз Танташев (Тошкент)
Ёрдамчи ҳакамлар: Ҳусниддин Шодмонов (Бухоро), Абдураҳмон Қўлдошев (Бухоро)
Захира ҳаками: Элёр Турсунов (Бухоро)
Назоратчи: Игорь Нехочин (Наманган)
ЎзПФЛ вакили: Бобур Ҳайдаров.
