Олий лиганинг 21-туридан ўрин олган "Бунёдкор" - "Нефтчи" (2:0) учрашувидан кейин меҳмонлар устози Вадим Абрамов ўз фикрларини айтди.

"Ўйинни қандай таърифлашга ҳам ҳайронман. Нима деб изоҳ беришни ҳам билмайман. Биз умуман футбол ўйнамаяпмиз. Жамоамиз рақибга умуман қаршилик кўрсатмаяпти, кураш таклиф этмаяпти. Биз ўзимиз ютқазиб беряпмиз.
Бизга ғалаба етишмаяпти. Футболчиларимиз бир-бирларига тўп узатишга қўрқишмоқда. "Нефтчи" рақибни ўйин билан қийин ҳолатга тушириш уёқда турсин, уларга бемалол футбол ўйнаш учун шароит яратиб бермоқда. Биз тўп учун курашмаяпмиз. Тўп бизга келиб қолган тақдирда ҳам тезлик билан уни рақибга қайтариб бермоқдамиз.
Истеъфо ҳар дақиқа бўлиши мумкин. Буни клуб раҳбарияти ҳал этади" - деди Абрамов.