Хабарингиз бор "Сурхон" Биринчи лига 26-тур доирасида Қаршининг Насаф-2 жамоасига қарши бахс олиб боради. Кеча хар иккала жамоа ўйин олди расмий машғулотларини ўтказдилар.

Дастлаб 17:00 дан бошлаб "Алпомиш" ўйингоҳида Насаф-2 футболчилари машғулот ўтказдилар. Шундан сўнг жамоамиз хам машғулотларни олиб борди.

Таркибдаги йўқотишлар хақида гапирадиган бўлсак, биргина Санжар Баратов жарохати туфайли майдонга туша олмайди. Қолган барча футболчиларимиз учрашувга тайёр.

Бугун бизни жиддий тўқнашув кутиб турибди. Насаф-2 жамоаси ҳам жиддий тайёргарлик кўрмоқдалар. Улар Термиздан ғалаба билан қайтиш ниятида.

Жамоамиз мухлислари диққатига!!! Бугун Сурхон - Насаф -2 учрашуви аввал режалаштирилганидек 17:00 да эмас, балким соат 18:00 да бошланади.

Бугун Туркманистонинг "Ашхабат" шаҳрида "Осиё ўйинлари" очилиш маросими бошланиши муносабати билан, Аэропорт самолёт рейсларида ўзгариш рўй берган.

Режага кўра учрашув хакамлари эрта тонгда Термиз шаҳрига етиб келишлари керак эди, лекин рейс вақти ўзгарганлиги сабабли, хакамлар учрашувга бир неча соат қолганида етиб келадилар. Ноқулайликлар учун барча муҳлислардан узр сўраймиз.

17.09.2017 Соат:18-00
Биринчи лига 26-тур.

"Сурхон" -" Насаф-2"

"Сурхон" клуби Матбуот хизмати, Элёр Узаков