«Ньюкасл Юнайтед» бош мураббийи Рафаэль Бенитес жамоанинг АПЛ жадвалида 4-ўринга чиқиб олганига изоҳ берди.
«Ишонинг, АПЛ жадвалига қиё боқишниям истамайман. Мен футболчиларимга жадвалга эмас, навбатдаги ўйинга эътибор қаратиш кераклигини уқтирдим.
Биз машғулотлар пайтида хатолар устида ишлаб, ўйинимизни мукаммаллаштириб боришимиз шарт. Муҳими - аҳиллик, меҳнат ва мухлислар билан якдиллик. АПЛ ўйинларида иштирок этишни истаётган футболчилар оқ-қора рангли либос шарафини ҳимоя қилиб, тер тўкишига тўғри келади. Ва улар бу ишни қилмоқда" - деди Бенитес Sportsmole хабарида.
